चहा ते अहाहा

स्वयंपाकघरात एक वाफाळणारा चहा,

माजघरात पिता येईल इतकं बादलीभर शुद्ध पाणी;

चहा पिता-पिता अचानक सुरू होते आणीबाणी!

स्वयंपाकघर, माजघर, प्रदूषणाने भरली हवा,

आपलेच दात, आपलेच ओठ;

प्रदूषणाबाबत देणार कोणाला दूषण?

परस-दाराकडे त्वरित सुरू खडतर प्रवास,

न करता पर्वा, आला जरी कुठलाही वास;

जणू वेळेत पकडली आगगाडी, नव्हे...

जणू धावत पकडली सुटलेली बस, नव्हे...

जणू उडता उडता धावपट्टीवरच रोखले विमान!

सुरू झाला असला कल्पनाविलास,

सोडता सोडता सुटकेचा श्वास;

पुन्हा एकदा जिंकली होती शर्यत,

आपसूकच झाली मान ताठ;

वेळेतच सोडता आली होती नाडीची गाठ!

दोन टमरेलमध्येच आटोपलं काम,

नाहीतर कमी पडले असते धुण्यास भरलेले दोन माठ.

बिकट परिस्थितीतही मिळतो मार्ग,

मानलं तर पाकिस्तानातही स्वर्ग;

जीवन किती सुंदर आहे,

अहाहा अहाहा अहाहा!