धगधगती बाग

तिच्यासाठी प्रेमाने हृदयातच फुलवली बाग

ती वावटळ, फिरते इकडे तिकडे…

अचानक येऊन एक दिवस, लावते त्यालाच आग

त्यालाही येतो की कधी कधी राग

खुरडून टाकतो सगळा फुलोरा

वाटतं तिला मग, हाच तो ह्या बागेतला काळा नाग

रात्री होतात छप्पन भोग, 

नव्याने होते सकाळ,दोघेही करतात अविचाराचा त्याग

दोघंही पिछाडलेले, झालाय त्यांना प्रेमरोग

प्रेमाचे असतातच मुळी वैयक्तिक योग

नको लागू देऊ प्रेमास त्यांच्या कशाचाही डाग!