मानवी पंज्याला पाच बोटं;
एक सगळ्यात मोठं, तर एक सगळ्यात छोटं.
मोठ्या बोटाचा खोटा बाज,
उपयोग त्याचा— दाखविण्यास फक्त माज!
छोट्यांमुळेच झाली पकड मजबूत;
मानवाने केले सगळ्या प्राणीजाताच नेस्तनाबूत.
दोघांच्या मधली तर्जनी
फोडे दुसऱ्यावर खापर, तर दाखवी कधी मार्ग धोरणी
छोटी करंगळी तर संवाद साधण्यात पारंगत;
कुणालाही सांगे सहज— वाढले कायेत पाणी!
अनामिकेच्या गळ्यात अंगठीचा फास;
कधी जीवघेणा, तरी कधी जीवनवृद्धी झकास!
No comments:
Post a Comment